Januaari 2016-imi atuisunut akit
2015-imi juulimiit 2016-imi januaarimut atuisunut akit 0,7 pct.-imik qaffapput, ukiup siuliani piffimmi pineqartumit tamanna mikineruvoq. Ukiup siuliani atuisunut akit 0,9 pct.-imik qaffapput. 2012-imi januaarimiit 2016-imi januaarimut ukiup affakkaarlugit atuisunut akit nikittarneri titartakkami 1.-imi takuneqarsinnaapput.
Titartagaq 1. 2012-imi januaarimiit 2016-imi januaarimut atuisunut akit, ukiup affakkaarlugit nikittarneri procentinngorlugit,
Najoqqutaq: http://bank.stat.gl/PRNPRISV Indeks (2008=100)
Atuisunut akit ukiumut ingerlanerat
2015-imi januaarimiit 2016-imi januaarimut atuisunut akit 1,2 pct.-imik qaffariarput. Qaammatini aqqaneq marlunni akit nikerartarneri procentinngorlugit titartakkami 2-mi takutinneqarput.
Titartagaq 2. Atuisunut akit, qaammatini aqqaneq marlunni nikerartarneri procentinngorlugit
Najoqqutaq: http://bank.stat.gl/PRNPRISV Indeks (2008=100)
Atuisunut akit naleqqersuutaat aamma naleqqersuut akinut iluarsiissut (ilanngaaseereernikkut akit)
Nioqqutissat akitsuuserneri, atuisunut akinut naleqqersuumut aamma akinut iluarsiissutinut naleqqersuumut, assigiinngitsunik sunniuteqarsinnaapput.
Titartakkami 3-mi takutinneqarput naleqqersuutini marluusuuni Nioqqutissat tamarmiusut aamma sullissineq kiisalu Sukkut, mamakujuttut assigisaasalu akiisa ineriartornerat. Piffissani siusinnerusumi naleqqersuutini marluusuni ineriartornerup assigiinngitsit annertusimanngillat, 2016-imili januaarimi nioqqutissiani ’Sukkut mamakujuttut assigisaalu’ ukiumut qaffariarneq annertunerujussuuvoq, Nioqqutissanili tamarmiusuni sullissinernilu allannguut annikitsuinnarmik naleqqersuutinut sunniuteqarpoq.
Titartagaq 3. 2012-imi januaarimiit 2016-imi januaarimut nioqqutissat Inuussutissat kiffartuussinerillu ataatsimut aamma Sukkut, mamakujuttut assigisaasalu atuisunut akiisa naleqqersuutaata aamma naleqqersuut akinut iluarsiissutip ukiumoortumik qaffattarnerat
